Ваенкамат зрабіў сюрпрыз бацькам з Клецкага раёна. Добры сюрпрыз
Пра выпадак, які здарыўся падчас святкавання тыдня бацькоўскай любові, абвешчанага ўладамі ў гэтым годзе, распавядае раёнка «Да новых перамог».
Сям'я Уласевічаў. Фота: kleck.by
Праграму гэтага тыдня ў Заастравеччы завяршылі 21 кастрычніка святочным канцэртам у Заастравечскім СДК. На ім адзначалі добрых бацькоў.
Як аказалася, Юрый і Таццяна Уласевічы — бацькі трох дарослых сыноў — Аляксандра, Дзмітрыя, Яўгена, якія цяпер усе зʼяўляюцца салдатамі тэрміновай службы Мазырскага пагранічнага атрада в/ч 1257.
Вось іх зʼяўленне ў зале стала сапраўдным сюрпрызам для бацькі і маці. «Клецкі ваенны камісарыят паспрыяў сустрэчы бацькоў і дзяцей у такі знамянальны дзень», — піша раёнка.