Гарэлку, чарніла і піва забароняць прадаваць у Мінску пасля 22‑й
За гэта прагаласаваў Мінгарсавет.
Дэпутаты Мінгарсавета ў сераду на 17‑й сесіі прагаласавалі за забарону продажу прэйскурантнай гарэлкі, пладова‑ягадных вінаў, слабаалкагольных напояў і піва ў аб’ектах гандлю сталіцы пасля 22 гадзіны.
Такая забарона ўводзіцца з 22.00 да 9.00 і распаўсюджваецца на ўсе аб’екты гандлю, незалежна ад устаноўленага рэжыму працы аб’екта,
за выключэннем продажу такіх напояў у разліў ў аб’ектах грамадскага харчавання.