На Краснадарскім нафтазаводзе адбыўся пажар. Прычынай мог быць удар беспілотніка
На тэрыторыі Афіпскага нафтаперапрацоўчага завода ў Краснадарскім краі адбыўся пажар, паведамляе рэгіянальны аператыўны штаб.
У выніку пажару ніхто не пацярпеў, сам завод не атрымаў пашкоджанняў, сцвярджаюць у штабе.
Тэлеграм-канал Shot са спасылкай на відавочцаў піша, што перад выбухам мясцовыя жыхары чулі гук, падобны да «газонакасілкі». Паводле звестак тэлеграм-канала, завод атакаваў беспілотнік.
31 мая ўлады рэгіёну паведамлялі пра пажар на Афіпскім нафтаперапрацоўчым заводзе, які ўзнік у выніку атакі дрона.