Украінцы паспяхова атакавалі ракетна-зенітны полк СПА ў Крыме
Ракетная атака была здзейсненая сёння 30 кастрычніка каля 3:00 ночы недалёка ад вёскі Аленеўка на мысе Тарханкут.
Атакавана месца дыслакацыі ракетна-зенітнага палка СПА Міністэрства абароны Расіі.
Па інфармацыі расійскіх СМІ, якую немагчыма праверыць, 17 вайскоўцаў параненыя. Пашкоджана пяць аўтамабіляў, адзін з іх не можа быць адноўлены, паведамляе тэлеграм-канал «Астра».
Ракеты прыляцелі дзве, збіць іх не ўдалося, паведамляе тэлеграм-канал «Рыбарь».