Беларускі генконсул у Хашыміне стаў пераможцам кулінарнага конкурсу сярод дыпламатаў
Генконсул Беларусі ў Хашыміне Руслан Варанкоў прызнаны «Найлепшым шэф-кухарам — 2023» кулінарнага конкурсу «Дыпламаты ўмеюць гатаваць».
Генконсул Беларусі ў Хашыміне Руслан Варанкоў прызнаны «Найлепшым шэф-кухарам — 2023» кулінарнага конкурсу «Дыпламаты ўмеюць гатаваць». Усе фота: vietnam.vn
«Канапэ з беларускім салам і салёнымі агуркамі, дранікі, запечаныя яблыкі з мёдам і хатні квас нікога не пакінулі абыякавымі», — піша МЗС.
«Калі дыпламатычныя сем'і прыходзяць на кухню» — гэта мерапрыемства, арганізаванае кампаніяй Foreign Missions Service Limited з мэтай папулярызацыі знешнепалітычнай дзейнасці і ўмацавання адносін паміж консульскімі ўстановамі, ведамствамі замежных спраў Хашыміна і паўднёвых правінцый.
Па выніках дзённых спаборніцтваў усе каманды заваявалі дастойныя прызы. А генеральны консул Беларусі ў Хашыміне Руслан Варанкоў атрымаў узнагароду «Супершэф», піша vietnam.vn.
У гэтым годзе ў мерапрыемстве ўдзельнічала 21 каманда, у тым ліку генеральныя консулы, мужы або жонкі консулаў, службовыя асобы, якія працуюць ва ўстановах консульскага корпуса, а таксама кіраўнікі дэпартаментаў замежных спраў у паўднёвых правінцыях.
Чытайце таксама:
Кадэбіст — пасол Беларусі ў Карэі заняў першае месца ў экстрэмальным забегу з перашкодамі
Лукашэнкаўскага дыпламата выклікалі ў МЗС Літвы з-за пагроз рэжымнага генерала
На Дзяды еўрапейскія дыпламаты наведалі Курапаты. Там іх чакаў дэсант дзяржаўнай прэсы