У Мядзельскім раёне ў лесе згубілася жанчына з санаторыя
Яна пайшла гуляць у лес і не знайшла дарогі назад.
Фота: 112.by
Інфармацыю пра тое, што ў лесе каля вёскі Сосны згубілася жанчына, ратавальнікі атрымалі ў пятніцу ў 17:15.
Пенсіянерка адпачывала ў санаторыі, яна пайшла ў лес на прагулку і заблукала.
Сувязь з жанчынай падтрымлівалася па мабільным тэлефоне.
Ратавальнікі праехалі па лясной дарозе ў тым напрамку, у якім яна ішла, падаючы гукавы сігнал.
У выніку жанчына выйшла на гук сірэны аўтацыстэрны. У медыцынскай дапамозе яна не мела патрэбы.