З’явіцца дзяржаўная ўзнагарода для прапагандыстаў
Новае ганаровае званне «Заслужаны работнік сродкаў масавай інфармацыі» прапануюць увесці ў Беларусі. Гэта прадугледжана зменамі ў закон «Аб дзяржаўных узнагародах Рэспублікі Беларусь», піша БАЖ.
Законапраект быў прыняты ў другім чытанні на сесіі Палаты прадстаўнікоў 29 лістапада.
Ганаровае званне плануюць даваць тым, хто працуе ў медыясферы больш за 15 гадоў. Гэта «высокакваліфікаваныя работнікі юрыдычных асоб, якія маюць статус СМІ, дзяржаўных органаў і устаноў і іншыя асобы, якія вядуць дзейнасць у сферы масавай інфармацыі».
Ёсць і іншыя ўмовы. Званне можна атрымаць, калі ёсць «значныя заслугі ў развіцці дзяржаўнай інфармацыйнай палітыкі, сродкаў масавай інфармацыі, павышэнні палітычнай культуры і сацыяльнай адказнасці грамадзян», паведамляе прэс-служба Палаты прадстаўнікоў.