12-гадовая школьніца ў Хоцімску трапіла ў бальніцу з алкагольным атручэннем
Дзяўчынку прывезлі ў непрытомным стане. Яе стан ацэньваецца як цяжкі.
Скрыншот відэа СК
Напярэдадні вечарам яе маці разам з сужыцелем і знаёмым выпівалі, паведамляе СК.
Перыядычна кампанія дарослых выходзіла на балкон пакурыць. Дзеці, якіх у сям'і пяцёра, заставаліся ў кватэры.
Толькі сёння раніцай мужчына звярнуў увагу, што старэйшая падчарка ў непрытомным стане, і выклікаў хуткую.
Дзяўчынка знаходзіцца ў рэанімацыі, яе стан ацэньваецца як цяжкі.
Сям'я знаходзіцца ў сацыяльна-небяспечным становішчы, цяпер вырашаецца пытанне, каб забраць з яе дзяцей.