У Глыбокім за «экстрэмізм» на суткі кінулі расіяніна і аштрафавалі шматдзетную маму з Украіны
Нядаўна за дзве «адміністрацыйкі» была арыштаваная на восем сутак Алена Крыўко, якая прыехала з Прыморскага краю. Цяпер восем сутак атрымаў яе сын Арцём, паведамляе тэлеграм-канал «Віцебск, я гуляю».
Арцёма Крыўко арыштавалі за лайкі ў «Аднакласніках» пад няправільнымі публікацыямі (суддзя — Аляксандр Аляксеенка). У Арцёма двое малалетніх дзяцей.
Іна Юргель. Фота: сацсеткі
740 рублёў штрафу за лагатып Nexta і допіс яшчэ з аднаго выдання ў «Аднакласніках» Іне Юргель дала суддзя Алена Кот.
Іна Юргель прыехала з украінскай Валнавахі, у жанчыны трое дзяцей.