Слесар застаўся без рукі ў выніку здарэння на льнозаводзе ў Пастаўскім раёне
Раніцай 8 снежня 59-гадовы мужчына знаходзіўся каля ўстаноўкі па перапрацоўцы валакна. Убачыўшы засор лёну, мужчына вырашыў яго ліквідаваць. У выніку ён пазбавіўся рукі, паведамляе СК.
Фота: СК
Пачуўшы крык пацярпелага, работнікі арганізацыі адключылі станок, аказалі першую дапамогу і выклікалі хуткую. Мужчына шпіталізаваны.
Высветлілася, што мужчына парушыў тэхніку бяспекі — стаў ліквідаваць засор, не спыніўшы станка. Акрамя гэтага, слесару не даручалася гэтая праца, бо яна не ўваходзіць у яго службовыя абавязкі.