Вечар духоўнай музыкі ў мінскай архікатэдры
29 снежня (аўторак) у мінскім архікатэдральным касцёле (пл. Свабоды, 9) у 19.30 адбудзецца традыцыйны музычны вечар калядных віншаванняў.
Святочную праграму прадставяць студэнты і выпускнікі Беларускай дзяржаўнай акадэміі музыкі па класу аргана дацэнта і галоўнага арганіста архікатэдры Уладзіміра Неўдаха.
У праграме ў выкананні Аліны Мельнік, Марыі Янушкевіч, с. Кацярыны Арлоўскай, Паліны Кушняровай і Кацярыны Нікалаевай прагучаць творы Баха, Бёльмана, Рэгера і іншых славутых кампазітараў.
Шчыра запрашаем на вечар калядных віншаванняў, каб з дапамогаю музыкі больш поўна адчуць усю таямнічасць вялікага свята прыйсця Збаўцы.