На Ашмяншчыне прадаюць векавы бровар са сценамі з прыроднага каменя
На электронныя таргі выставілі будынак былога бровара ў вёсцы Міхайлаўшчына Ашмянскага раёна. Таргі пройдуць 29 студзеня ў 10:00 на электроннай пляцоўцы «БУТБ-маёмасць».
Фота: Et.butb.by
Пачатковая цана лота — 14 800 рублёў. Агульная плошча будынка — 411,90 кв. м. Падмурак тут выкананы з бутабетону, а вонкавыя сцены — з прыроднага каменя. Вокны ў бровары драўляныя. Ёсць дзве прыбудовы.
Згодна з умовамі аўкцыёну, набыты аб'ект трэба будзе пачаць выкарыстоўваць пад мэты, якія не супярэчаць дзейнаму заканадаўству, на працягу трох гадоў з моманту заключэння дагавора куплі-продажу.
Будынкі бровара і спіртасховішча, а таксама руіны дзвюх брам і дуб-старажыл, акружнасць якога больш за пяць метраў на ўзроўні грудзей, засталіся ў Міхайлаўшчыне ад сядзібы Скіндараў.
Бровар датуецца 1907 годам. Ён з'яўляецца ўзорам прамысловай архітэктуры той эпохі.
Чытайце таксама:
На аўкцыён выставілі эскізы алтарных роспісаў Чырвонага касцёла ў Мінску