Пры ўчорашніх абстрэлах Херсона загінула 10 чалавек. Улады апублікавалі жахлівыя здымкі наступстваў
Кіраўнік Херсонскай абласной адміністрацыі Аляксандр Пракудзін назваў суботу «чорным днём расійскага тэрору для вольнага Херсона». Ён заявіў, што ў выніку абстрэлу загінулі 10 мясцовых жыхароў і 62 атрымалі раненні.
Пракудзін таксама апублікаваў у тэлеграме фотаздымкі з наступствамі абстрэлаў.
У Херсоне ад абстрэлаў у суботу была пашкоджана крытычная інфраструктура, у тым ліку газаправод, бальніца і жылыя кварталы.