МУС Расіі абвясціла ў вышук стваральніка «Масяні»
Мультыплікатар Алег Куваеў, якога ў пятніцу ўключылі ў рэестр «іншаагентаў», аб'яўлены ў вышук. Картка з яго данымі з'явілася ў базе МУС.
Алег Куваеў
У кастрычніку стала вядома, што супраць Куваева заведзена крымінальная справа па артыкуле аб публічных закліках да дзейнасці, накіраванай супраць бяспекі дзяржавы, нагадвае Бі-бі-сі.
У тэлеграм-каналах з'яўлялася інфармацыя аб тым, што падставай для справы стаў 169-ы эпізод серыяла «Масяня», у якім галоўная гераіня прапануе расійскім салдатам здавацца ў палон.
Пасля пачатку расійскага ўварвання ва Украіну Куваеў выпусціў некалькі антываенных серый «Масяні».