Беларусаў выслалі з Нямеччыны. Яны вярнуліся, і іх зноў выслалі
У выніку ім забаранілі ўезд на чатыры гады.
Фота носіць ілюстрацыйны характар. Facebook.com/polizeibrandenburg
З Нямеччыны выслалі 39-гадовых беларуса і беларуску, якія заехалі ў краіну на машыне, нягледзячы на вынесеную ім раней забарону на паўторны ўезд, піша сайт «Беларусь і свет».
Як паведамляе нямецкая паліцыя, у чацвер 4 студзеня каля 13:40 на аўтабане А12 у раёне Франкфурта-на-Одэры быў правераны аўтамабіль з польскімі нумарамі.
Пасля высвятлення асабістых даных грамадзяніна і яго спадарожніцы выявілася, што міграцыйная служба Ляйпцыга забараніла ім уезд у краіну на працягу 4 гадоў.
Па факце парушэння было ініцыявана разбіральніцтва. Пасля правядзення неабходных працэдур пару адправілі назад у Польшчу, адкуль яна прыбыла.
Чытайце таксама:
Польскія памежнікі анулявалі беларусу візу і абавязалі вярнуцца на радзіму
Дырэктара беларускага санаторыя ў Друскеніках пазбавілі літоўскага ДНЖ