Жыхару Магілёва далі два з паловай гады калоніі за «клас» у Аднакласніках
13 снежня 2023 года суд Магілёўскага раёна вынес прысуд Сяргею Якубенку.
Мужчыну прызналі вінаватым у «абразе Аляксандра Лукашэнкі» (арт. 368 КК РБ) і «паклёпе на Аляксандра Лукашэнку» (арт. 367 КК РБ).
Асновай для крымінальнай справы ў дачыненні да мужчыны стаў «клас» у «Аднакласніках» у адным з паблікаў, прызнаных экстрэмісцкімі, піша Mayday.team.
Суддзя Аляксандр Халадцоў даў Сяргею Якубёнку два з паловай гады калоніі (рэжым невядомы, але, хутчэй за ўсё, агульны).