Польскія спецслужбы правялі ператрусы ў прарасійскіх актывістаў, ёсць і беларускі след
Агенцтва ўнутранай бяспекі Польшчы сумесна з вайсковай контрразведкай гэтай краіны правяло ператрусы ў прарасійскіх актывістаў. Паводле паведамлення цэнтра маніторынгу расісцкіх і ксенафобскіх паводзін, адзін з іх звязаны з правакатарам, засланым беларускім КДБ, піша Most.
Здымак ілюстрацыйны. Фота: gov.pl
Паводле інфармацыі польскай прэсы, ператрусы правялі мінімум у шасці чалавек. Абвінавачванні звязаныя з падрыхтоўкай да пазбаўлення незалежнасці, захопу часткі тэрыторыі або змены канстытуцыйнага ладу Польшчы.
Акрамя таго, гаворка ідзе пра падбухторванне да забойства генерала, удзел у дзейнасці замежнай разведкі і іншыя злачынствы.
Актывісты дзейнічалі з 2021 года. У іх канфіскаваныя камп'ютары і тэлефоны, але нікога з іх пакуль не арыштавалі.
Чытайце таксама:
Затрыманая ў Польшчы агентка КДБ раней была порнаактрысай
Стала вядома, што за беларуску арыштавалі ў Польшчы за працу на КДБ
У Польшчы затрымалі беларуску, якая даносіла КДБ на беларускую дыяспару