«На фотаздымках абвінавачаная апазнала сябе»: у Мінску па «народным» артыкуле асудзілі барменшу
У судзе Ленінскага раёна Мінска 28 снежня быў вынесены чарговы прысуд па «народным» артыкуле: за ўдзел у пратэсным маршы ў 2020 годзе паводле ч. 1 арт. 342 Крымінальнага кодэкса судзілі барменшу Маргарыту Ермаліцкую. Справу разглядала суддзя Юлія Шчоткіна.
Маргарыту затрымалі зусім нядаўна — 7 снежня 2023 года, піша «Вясна».
Па матэрыялах абвінавачання, Маргарыта Ермаліцкая 23 жніўня 2020 года далучылася да мітынгоўцаў у раёне плошчы Леніна, пасля чаго ўсе разам прайшлі па праспекце Незалежнасці да Стэлы.
Суд прызначыў ёй 2,5 года хатняй хіміі.
Чытайце таксама:
Судзяць айцішніка з EPAM — меркавана, за данаты
Паставіў «клас» у «Аднакласніках»: жыхара Баранавіч асудзілі за паклёп на Лукашэнку