Святы скончыліся. У нядзелю ў Мінску будуць цэнтралізавана вывозіць ялінкі
Дзе іх выкінуць?
Фота: Мінск-навіны
Вываз старых навагодніх ялінак у Мінску ажыццяўляецца арганізацыямі — перавозчыкамі адкідаў 21 студзеня. Пра гэта «Минск-Новости» паведамілі ў Мінскай гарадской жыллёвай гаспадарцы.
Мінулагоднія дрэвы гараджане могуць пакінуць на пляцоўках, прызначаных для размяшчэння кантэйнераў і збору буйнагабарытных адкідаў.
Таксама ялінкі забяруць з тэрыторый, якія прылягаюць да смеццепрыёмных камер шматкватэрных дамоў, дзе няма пляцовак для збору адкідаў.
У кожны раён накіруюць спецыяльныя аўтамабілі-смеццявозы.
Для ўтылізацыі прымаюцца ўсе іглічныя расліны, асаблівай падрыхтоўкі не патрабуецца, аднак варта ачысціць галінкі ад мішуры і іншых упрыгожванняў.
Старыя ялінкі дробняцца і ў далейшым выкарыстоўваюцца ў вытворчасці брыкетаў.