Лукашэнка анансаваў сустрэчу з Пуціным
Гэта будзе першая сустрэча ў гэтым годзе.
Уладзімір Пуцін і Аляксандр Лукашэнка. Фота: Contributor / Getty Images
Аляксандр Лукашэнка анансаваў перамовы са сваім расійскім калегам Уладзімірам Пуціным, пра гэта паведаміў ён на сустрэчы з дзяржсакратаром Саюзнай дзяржавы Дзмітрыем Мезенцавым, піша «Спутнік».
Аляксандр Лукашэнка расказаў, што напярэдадні пасяджэння Вышэйшага дзяржсавета плануе правесці перамовы тэт-а-тэт з Уладзімірам Пуціным.
«Абмяркуем прынцыповыя пытанні. Калі будуць нейкія дапаўненні да таго парадку дня, што прапанаваны, мы адразу на пасяджэнні Вышэйшага дзяржсавета ўнясём такія прапановы», — асабліва адзначыў ён.
Гэта будуць першыя перамовы ў 2024 годзе.