Супрацоўніца банка ў Талачыне выратавала 10 чалавек ад тэлефонных аферыстаў
Аксана Сас атрымала падзяку ад міліцыі.
Фота: Міліцыя Віцебшчыны
На барацьбу з тэлефоннымі ашуканцамі, якія прымушаюць даверлівых грамадзян браць крэдыты, каб пасля завалодаць гэтымі грашыма, накіраваны не толькі сілы супрацоўнікаў міліцыі. Актыўна ўдзельнічаюць у гэтым і супрацоўнікі банкаў.
Спецыяліст па продажы рознічных банкаўскіх прадуктаў ЦБП №219 ААТ «ААБ Беларусбанк» Аксана Сас узнагароджана падзякай начальніка Талачынскага РАУС за супрацоўніцтва і цеснае ўзаемадзеянне з міліцыяй.
У 2023 годзе яна здолела пераканаць каля дзясятка талачынцаў не браць крэдыты, па якія людзі прыйшлі пасля тэлефоннай размовы з ашуканцамі, паведамляе тэлеграм-канал «Міліцыя Віцебшчыны».