На беларуска-літоўскай мяжы наплыў «крыгаў», начыненых цыгарэтамі
Памежнікі з літоўскіх Друскенікаў 26 студзеня паведамілі, што за дзень тройчы вылоўлівалі з Нёмана плыты з беларускімі цыгарэтамі і GPS-трэкерамі, замаскаваныя пад крыгі.
Фота: Vsat.lrv.lt
Паводле памежнікаў, толькі за адзін дзень яны такім чынам вылавілі ў рацэ 3080 пачкаў цыгарэт на агульную суму каля 13 тысяч еўра.
Пры такім спосабе кантрабанды цыгарэты не проста загорнутыя ў поліэтылен і прысыпаныя снегам і лёдам: да іх прымацаваныя GPS-трэкер і бетонны блок для рэгулявання плывучасці.
Фота: Vsat.lrv.lt
Такія своеасаблівыя «крыгі» на памежных рэках з'явіліся не сёння, такі спосаб кантрабанды прымяняўся разам з іншымі і ў папярэднія гады.
Чытайце таксама:
На беларуска-польскай мяжы затрымалі лекі ад дыябету на 570 тысяч рублёў
У аўтамабілі, які прыбыў у Латвію з Беларусі, знайшлі тайнікі на дыстанцыйным кіраванні
Індыец хацеў перасячы мяжу Беларусі з падробленым брытанскім пашпартам