Паветраныя сілы Украіны сцвярджаюць, што збілі другі Су-34 за суткі
Пра тое, што каля 2-й гадзіны дня ўкраінскія вайскоўцы збілі яшчэ адзін Су-34, паведаміў камандуючы Паветранымі сіламі Украіны Мікалай Аляшчук.
Крыху пазней Аляшчук апублікаваў фота, на якім, як сцвярджаецца, «не клічнік і не пытальнік, а падпаленая расійская сушка». Ён дадаў, што публікуе фота, каб «ніхто не сумняваўся».
Гэта ўжо другое паведамленне за сённяшні дзень аб знішчэнні расійскага Су-34.
Мінабароны Расіі ні на першую заяву, ні на другую пакуль не адрэагавала. Праваенны расійскі тэлеграм-канал Fighterbomber сцвярджэнне ўкраінскіх вайскоўцаў аб збіцці Су-34 сёння днём адмаўляў.
Чытайце таксама:
Украінскія паветраныя сілы збілі чарговы расійскі бамбардзіроўшчык