«Мама мія! Гэта не дом, гэта дровы». Італьянец купляе бюджэтныя хаты ў беларускай глушы
58-гадовы італьянец Алідэ, які жыве ў Беларусі ўжо шмат гадоў, набывае хаты ў вёсках — галоўнае, каб возера ці рака былі побач. Мужчына называе гэта сваім хобі.
Скрыншот відэа ў тыктоку Ганны Жук
Пра свайго незвычайнага сталага кліента ў тыктоку распавяла рыэлтарка Ганна Жук. Яна паказвае ў сваім тыктоку аб’екты нерухомасці, якія можна набыць ці арандаваць. Але апошнім часам галоўным героем яе відэа стаў сталы кліент з Італіі.
Алідэ жыве ў Беларусі з 2012 года ды працуе менеджарам па аптовым продажы керамічнай пліткі — супрацоўнічае з вялікімі міжнароднымі кампаніямі.
@nashaniva «Мама мія!» Італьянец скупляе хаты ў беларускай глушы. Як да такога ставіцеся? #деревня #беларусь #новостибеларусь #беларусьновости #нашаніва #итальянец #нашаніва ♬ Беларусь - Без Билета
— Воляю лёсу Беларусь стала яго другім домам і месцам, дзе ён бы хацеў правесці сваё жыццё. Ідэя рэканструкцыі вясковых дамоў узнікла ў Алідэ некалькі гадоў таму, калі ён стаміўся ад мітусні гарадскога жыцця ў Мінску і рашыў перабрацца ў вясковы дом у Вілейскім раёне побач з Вілейскім вадасховішчам.
Рыэлтарка сцвярджае, што галоўнае патрабаванне яе заказчыка — прамое выйсце да вады. Ганна кажа: купля вясковых дамоў, іх рэканструкцыя і далейшы перапродаж сталі для Алідэ хобі і сэнсам жыцця.
— Летась мы прадалі яго кватэру ў цэнтры Мінска і цяпер шукаем новыя дамы для пакупкі. У жніўні мінулага года мы ўжо знайшлі прыдатны дом у пасёлку гарадскога тыпу.
У адным відэа Ганна паказала, як яны паехалі глядзець паўразбураны дом у аграгарадку Друя. Стоячы на ганку лазні, можна пабачыць вёску ў Латвіі — мяжа паміж краінамі праходзіць па цэнтры Дзвіны.
@annazhuk_rieltor БЕРЕМ УБИТЫЙ ДОМ РАДИ ВЫХОДА К ВОДЕ?! @РИЭЛТОР | АННА ЖУК @РИЭЛТОР | АННА ЖУК @РИЭЛТОР | АННА ЖУК #недвижимость #купитьквартиру #купитьдом #деревня #риэлторминск #итальянецвбеларуси #беларусь ♬ оригинальный звук - НЕДВИЖИМОСТЬ | АННА ЖУК
Месца, безумоўна, вельмі прыгожае, але стан будынка не парадаваў замежніка:
— Мама мія! Гэта не дом, гэта дровы. Яго трэба зносіць і будаваць новы.
Каментатары з гэтым пагадзіліся. Але Ганна ў каментарыях напісала, што ўласнік лічыць хату цалкам нармальнай і таму не гатовы зніжаць кошт. Гаворка ідзе пра 8 тысяч даляраў за той самы дом, лазню і ўчастак каля 9 сотак.
— А далей мы паедзем глядзець чарговую хату, але ўжо пасярод лесу ў маленькай вёсцы на чатыры дамы, але з вельмі цікавай гісторыяй.
Чытайце таксама:
Ірландзец тэсціруе беларускія сталоўкі. Вось якой з іх прапаноўвае даць мішленаўскую зорку