Як працуе заградатрад у расійскай арміі ВІДЭА
У інтэрнэце з'явілася відэа, якое сведчыць аб выкарыстанні расійскімі войскамі заградатрадаў.
Скрыншот відэа: dosye_shpiona / Telegram
На відэа зафіксаваны доказы існавання ў 60-й мотастралковай брыгадзе 5-й агульнавайсковай арміі Узброеных сіл Расіі загараджальных атрадаў.
Як сцвярджаецца, відэа перадаў кіраўніку тэлеграм-канала «Досье шпиона» ваеннаслужачы брыгады зімой гэтага года. Ён жа накіраваў копію ў ваенную пракуратуру для наступнага разбіральніцтва.
Кіраўнік тэлеграм-канала сцвярджае, што з байцом была дамова — у выпадку адсутнасці рэакцыі з боку пракуратуры ці смерці ваеннаслужачага відэа будзе апублікавана.
Відэа было апублікавана 3 красавіка. Сцвярджаецца, што з ваеннаслужачым ужо месяц няма сувязі, няма і рэакцыі пракуратуры.
На відэа чуваць, як ваеннаслужачаму з пазыўным «Мяснік» камандзір аддае загад «рухаць групу наперад», а калі адмовяцца — «ты ведаеш, што з імі рабіць». Баец, які здымаў відэа, тлумачыць, што маецца на ўвазе — «абнуліць, ё***ць».
Сцвярджаецца, што эпізод адбыўся каля сяла Завітне Бажання ў Данецкай вобласці.
Чытайце яшчэ:
Украінскія спецслужбы атрымалі доступ да асабістай перапіскі расійскага генерала
Генерал ФСБ у адстаўцы прагназуе, што ўкраінцам удасца выйсці назад да Азоўскага мора
Украінцы адбілі пад Аўдзееўкай адну з самых буйных танкавых атак за ўвесь час вайны ФОТА