14-гадовая школьніца чарговы раз уцякла ад бацькоў, але цяпер яе ўраз знайшлі з дапамогай сістэмы распазнання твараў
Устаноўлена месца знаходжання 14-гадовай Лізаветы Мурашкі, якая тры дні таму сышла з дому і знікла, паведамляе «Міліцыя Мінска».
Фота: Міліцыя Мінска
Дзяўчыну ўдалося знайсці пры дапамозе рэспубліканскай сістэмы распазнання твараў (сістэма маніторынгу грамадскай бяспекі).
«З ёй усё ў парадку», — удакладнілі ў ведамстве.
14-гадовая Лізавета Мурашка была ў вышуку з 19 красавіка. Раней яна неаднаразова сыходзіла з дому.