Фатограф Аляксандр Васюковіч атрымаў хатнюю хімію — і з'ехаў з Беларусі
Вядомы беларускі фотажурналіст Аляксандр Васюковіч сёлета ў студзені быў асуджаны на 3 гады абмежавання волі за нібыта ўдзел у акцыях пратэсту ў 2020‑м годзе, якія ён асвятляў, піша БАЖ.
У 2020‑м годзе Аляксандра некалькі разоў затрымлівалі і судзілі па адміністрацыйных артыкулах, а ўвосень мінулага года затрымалі паводле крымінальнага абвінавачання і змясцілі ў СІЗА на Валадарскага.
18 студзеня суддзя Юлія Крэпкая асудзіла журналіста на 3 гады абмежавання волі. Апасаючыся далейшага пераследу, Аляксандр Васюковіч выехаў з Беларусі і цяпер знаходзіцца ў бяспецы.
БАЖ дзякуе Фонду салідарнасці «Байсол» за дапамогу Аляксандру ў эвакуацыі.