На будынку Нацыянальнай бібліятэкі з'явіўся сцяг СССР
Замест рэкламы.
Скрыншот відэа: канал Вадзіма Гігіна
На будынку Нацыянальнай бібліятэкі ў Мінску напярэдадні вечарам з'явіўся сцяг СССР.
Такім чынам кіраўніцтва бібліятэкі вырашыла адзначыць 9 мая. Сцяг СССР вывелі на экраны на будынку бібліятэкі, дзе звычайна транслююць рэкламу.
Відэа падзяліўся дэпутат і былы дырэктар бібліятэкі Вадзім Гігін. Ён адзначыў, што «будынак Нацыянальнай бібліятэкі ўпрыгожыўся савецкім сцягам».