Паўднёвая Карэя адкрыла папераджальны агонь на мяжы КНДР
Паўночнакарэйскія вайскоўцы ненадоўга парушылі мяжу з паўднёвакарэйскай дзяржавай. Пасля папераджальных стрэлаў яны вярнуліся на бок КНДР.
Мяжа паміж Паўночнай і Паўднёвай Карэяй. Фота: Lee Jin-man / AP
Паўднёвакарэйскія вайскоўцы зрабілі папераджальныя стрэлы пасля таго, як салдаты з КНДР ненадоўга перасеклі мяжу дзвюх Карэй. Пра гэта паведамляе раніцай у аўторак, 11 чэрвеня, паўднёвакарэйскае інфармагенцтва «Рэнхап» са спасылкай на Аб'яднаны камітэт начальнікаў штабоў (АКНШ) Узброеных cіл Паўднёвай Карэі.
Адзначаецца, што група паўночнакарэйскіх вайскоўцаў перасекла дэмаркацыйную лінію ў межах дэмілітарызаванай зоны, якая падзяляе дзве Карэі, на цэнтральным участку мяжы 9 чэрвеня, каля 12.30 па мясцовым часе, піша Deutsche Welle.
Пасля папярэджання праз гучнагаварыцель і папераджальных стрэлаў паўночнакарэйскія вайскоўцы вярнуліся на свой бок мяжы. Услед за тым «ніякай незвычайнай актыўнасці» больш не было.
Чытайце таксама:
Сястра Кім Чэн Ына папярэдзіла Сеул «пра небяспечную сітуацыю»
КНДР зноў атакавала Паўднёвую Карэю смеццем — Сеул у адказ уключыць навіны праз гучнагаварыцелі