Трое супрацоўнікаў НТВ параненыя пад Горлаўкай на Данбасе. Яны ў коме
Усе трое знаходзяцца ў гарадской бальніцы.
Аляксей Іўліеў. Фота: прэс-служба НТВ
Трое супрацоўнікаў расійскага прапагандысцкага канала НТВ параненыя каля пасёлка Гальмоўскі пад Горлаўкай на акупаваным Данбасе, паведамляюць расійскія СМІ.
Мэр Горлаўкі Іван Прыходзька назваў імя аднаго з іх — Аляксей Іўліеў.
Усе трое знаходзяцца ў гарадской бальніцы, яны ў коме ў аперацыйнай.
Разам з прапагандыстамі пад абстрэл трапіў афіцэр, які суправаджаў іх. Галоўны доктар гарадской бальніцы горада Горлаўка заявіла, што параненыя цяпер знаходзяцца ў коме.
«Да мяне прывезлі [журналістаў], яны цяжкія. Яны ў коме, не размаўляюць, не магу сказаць [што з імі здарылася], яны ў аперацыйнай. У іх траўматычная ампутацыя, адкрытая чэрапна-мазгавая», — цытуе яе словы агенцтва ТАСС.