Даляр вярнуўся за планку 3,2 рубля
Курсы еўра і расійскага рубля таксама падраслі.
Ілюстрацыйнае фота Наша Ніва
На таргах у Мінску 17 чэрвеня даляр вырас нязначна, усяго на 0,09 капейкі. Але гэта хапіла, каб вярнуцца за адзнаку 3,2 рубля — 3,2005.
Еўра вырас на 0,29 капейкі да 3,4343.
Расійскі рубель павялічыўся на 0,27 капейкі да 3,5873 за 100 адзінак.
Кітайскі юань патаннеў на 1,62 капейкі да 4,3615 за 10 адзінак.
У пачатку года даляр каштаваў 3,1775 рубля, максімум быў на таргах 17 красавіка — 3,2809.