Мінскія козы насмяшылі тыкток

Відэа з козамі, якіх не чакаеш сустрэць на вуліцах сталіцы, сабрала каля 100 тысяч праглядаў і каля 6 тысяч падабаек.

Як высветлілі ў каментарах, жывёл можна пабачыць на скрыжаванні Ясеніна — Громава. 

Коз, якія пад вясёлую музыку абʼядаюць дрэвы, суправадзілі рознымі каментарамі — гумарыстычнымі і не вельмі. 

«Іх прывезлі ў якасці газонакасілак, а яны вырашылі дрэвы падстрыгчы». 

«Малінаўскія ландшафтныя дызайнеры». 

«Самае дзіўнае, што яны ніколі не выходзяць на ажыўленую праезную частку (ніколі не бачыла!)». 

«А потым гаспадары пʼюць экалагічна чыстае малако з трасы, ды прадаюць, напэўна». 

«Вось кагосьці штраф чакае», — пішуць каментатары.

Каментары да артыкула