У Чыжоўцы абрынуўся навес перад домам ФОТАФАКТ
Здарэнне адбылося ноччу. Навес памерам 2×9 м перад уваходам у тэхнічнае памяшканне абрынуўся, перапалохаўшы жыхароў, піша Tochka.by.
Фота: МНС
Месца абвалу аператыўна ачапілі, а супрацоўнікі МНС, якія прыбылі на месца, правялі работы па дэмантажы будаўнічай канструкцыі.
Прычына абвальвання высвятляецца. Апорныя канструкцыі дома пашкоджаныя не былі.
Камунальнікі абяцаюць у найбліжэйшы час прыбраць наступствы інцыдэнту і адтынкаваць фасад.
Такое здарэнне ў іншым доме здарылася ўсяго пару месяцаў таму. Пасля капітальнага рамонту па вул. Ангарскай, 80, упаў бетонны казырок над адным з пад'ездаў.