У Махачкале ізноў пачалася страляніна

У сеціве распаўсюджваюцца відэа, на якіх бачныя сілавікі з аўтаматамі на вуліцах.

Паведамляецца, што нібыта ўсё пачалося з таго, што невядомыя адкрылі агонь па супрацоўніку патрульна-паставой службы ў Махачкале. Нібыта даішнікі спынілі машыну за перавышэнне хуткасці і выявілі ў ёй зброю. Пасля таго ўладальнік зброі адкрыў па паліцэйскіх агонь і паспрабаваў збегчы.

Паводле папярэдняй інфармацыі, пацярпелых няма. У горадзе абвясцілі план «Перахоп», шукаюць двух узброеных людзей на чорнай машыне «Прыёра».

У адміністрацыі Махачкалы паведамілі, што ў раёне вуліц Магамеда Гаджыева і Каркмасава сілавікі «праводзяць мерапрыемствы і папярэджваюць насельніцтва аб неабходнасці пакінуць гэтую тэрыторыю».

Раней, у гэту нядзелю, прынамсі 20 чалавек, у тым ліку 17 сілавікоў, загінулі ў выніку нападу на праваслаўныя храмы, сінагогі і пост ДПС у дагестанскіх Дэрбенце і Махачкале.

Каментары да артыкула