Зяленскі адказаў, як можа весці мірныя перамовы з Пуціным
«Мадэль такая была ўжытая ўпершыню на прыкладзе збожжавага калідора».
Уладзімір Зяленскі. Фота: скрыншот з ютуб-канала «Зе!Президент»
У інтэрв'ю выданню The Philadelphia Inquirer прэзідэнт Украіны Уладзімір Зяленскі адказаў, што бачыць перамовы з Пуціным толькі праз пасярэднікаў.
«Мадэль такая была ўжытая ўпершыню на прыкладзе збожжавага калідора, калі Украіна дамаўлялася не з Расіяй, а з ААН і Турцыяй. Яны, у сваю чаргу, узялі на сябе адказнасць дамаўляцца з намі, а затым адпаведнае пагадненне падпісваць з РФ. І так яно спрацавала: два люстраныя пагадненні, паміж якімі ёсць ААН і Турцыя».
Адпаведная мадэль, лічыць Зяленскі, можа быць прыменена пры перамовах па тэрытарыяльнай цэласнасці, энергетыцы, суднаходстве.
Зяленскі падкрэсліў у чарговы раз, што Украіна павінна быць у Еўрасаюзе і НАТА.
«І калі ў нас гэтага няма, я лічу, што гэта вялікія рызыкі для нас. Вельмі вялікія, што гэты вораг — ён вернецца. Нам патрэбная калектыўная абарона Украіны».
Чытайце таксама:
Украіна вярнула пяць сваіх палітвязняў з Беларусі. І нават Міколу Швеца, дыверсанта з Мачулішчаў
Зяленскі: «Упэўнены, што будуць прынятыя рашэнні адносна Беларусі»
Колькі разоў і дзе бывалі на фронце Уладзімір Зяленскі і Уладзімір Пуцін