Музея ў Пішчалаўскім замку (экс-СІЗА на Валадарскага) не будзе
Ідэя была, але ад яе адмовіліся.
Былое СІЗА на Валадарскага. Арыштантаў перавялі ў Калядзічы. Фота: Радыё Свабода
Як гарадскія ўлады збіраюцца выкарыстоўваць комплекс пабудаванага ў пачатку XIX стагоддзя Пішчалаўскага замка на вуліцы Валадарскага, дзе яшчэ нядаўна размяшчаўся следчы ізалятар, расказаў Мінск-навінам галоўны мінскі архітэктар Віктар Гуцько.
Вядучы праграмы пацікавіўся: «У нас ёсць неафіцыйная інфармацыя, што ў Пішчалаўскім замку плануецца размясціць Нацыянальны гістарычны музей. Ці так гэта?»
— Так, сапраўды разглядалася такая магчымасць, але ад гэтай ідэі адмовіліся, размяшчэнне Нацыянальнага гістарычнага музея ў гэтым комплексе не плануецца, — удакладніў В.Гуцько.
— Сёння гарадскімі службамі вядзецца праца над тым, каб прыстасаваць гістарычны аб'ект пад іншыя функцыі.
Чытайце таксама:
Цяпер афіцыйна: «Валадарку» расфармавалі, СІЗА-1 пераехаў на новы адрас
З Валадаркі вынеслі насценны малюнак мастака Алеся Пушкіна, які загінуў за кратамі