Мінабароны адпраўляе тры ўзводы на «бітву за ўраджай»
Беларускія вайскоўцы дапамогуць аграрыям ва ўборачнай кампаніі, паведамляе Мінабароны ў сваім тэлеграм-канале.
Фота: Мінабароны
Для гэтых мэт ва Узброеных Сілах сфарміраваны тры зводныя аўтамабільныя ўзводы. Усяго ў дапамогу сельгаспрадпрыемствам выдзелена каля 60 чалавек асабовага складу і 35 адзінак аўтамабільнай тэхнікі.
Ваенныя аказваюць дапамогу сельскагаспадарчым арганізацыям краіны ва ўборцы ўраджаю не першы год.
Адзін са зводных узводаў ужо адправіўся ў Гарадоцкі і Сенненскі раёны, дадае ведамства.