Самалёт авіякампаніі Saurya Air разбіўся ў сталіцы Непала
Паводле папярэдніх звестак, на месцы крушэння знойдзена 18 цел.
Фота: thehimalayantimes.com
Крушэнне самалёта авіякампаніі Saurya Air, на борце якога знаходзіліся 19 чалавек, адбылося ў аэрапорце Катманду, паведамляе The Himalayan Times.
Паводле папярэдніх звестак, на месцы крушэння знойдзена 18 цел, піша The Kathmandu Post.
Самалёт разбіўся неўзабаве пасля ўзлёту з узлётна-пасадачнай паласы каля 11:00 па мясцовым часе (прыкладна 8:30 па Мінску). Ён павінен быў вылецець у Пакхару.
Да месца крушэння былі накіраваныя пажарныя, а таксама паліцыянты і вайскоўцы. Ім удалося дастаць з-пад абломкаў 37-гадовага капітана судна, якога адправілі ў бальніцу.
Аб лёсе астатніх людзей, якія знаходзіліся на борце, пакуль не паведамляецца.