Паўла Латушку выклікалі ў польскую пракуратуру
Нацыянальная пракуратура Польшчы ініцыявала расследаванне паводле крымінальнай справы.
Паўла Латушку запрасілі ў пракуратуру ў Лодзі для дачы паказанняў у якасці пацярпелага, паведамляе палітык у сваім тэлеграм-канале.
Кіраўнік НАУ дасць паказанні ў якасці пацярпелага ў Дэпартаменце па барацьбе з арганізаванай злачыннасцю Нацыянальнай пракуратуры Польшчы.
Нацыянальная пракуратура ініцыявала расследаванне паводле крымінальнай справы аб падбухторванні ўстаноўленай асобы да забойства Паўла Латушкі, учыненага асобай, датычнай да дзейнасці замежнай разведкі супраць Польшчы.