У чацвер у Маскоўскім раёне Мінска пачнецца збор запаснікоў, які працягнецца тры тыдні
З 1 па 23 жніўня пад кіраўніцтвам кіраўніка адміністрацыі Маскоўскага раёна Мінска пройдзе навучальны збор з ваеннаабавязанымі тэрытарыяльных войскаў раёна, паведамляе Мінаабароны ў сваім тэлеграм-канале.
Ілюстрацыйнае фота Мінабароны
Мэта збору: павысіць навыкі службовых асоб райвыканкама ў фарміраванні воінскіх часцей тэрытарыяльных войскаў, а ваеннаабавязаных — у выкананні задач.
Падчас збору спланаваны:
- прыём ваеннаабавязаных тэрытарыяльных войскаў і іх усебаковае забеспячэнне з выкарыстаннем рэсурсаў мясцовай базы мабілізацыйнага разгортвання;
- аднаўленне навыкаў каманднага складу ў кіраванні падпарадкаванымі;
- падрыхтоўка ваеннаабавязаных да выканання задач у адпаведнасці з ваенна-ўліковымі спецыяльнасцямі і службовым прызначэннем.