У Расіі міліцыянер за забойства школьніка атрымаў год калоніі
Суд Рэспублікі Тува (Расія) прысудзіў інспектара дарожна‑патрульнай службы, які застрэліў школьніка і параніў яго сяброўку, да года і трох месяцаў пазбаўлення волі ў калоніі‑пасяленні.
Былы міліцыянт Борбак‑оол Батр быў прызнаны вінаватым у «прычыненні смерці па неасцярожнасці».
Паводле следства, у кастрычніку мінулага года група інспектараў, у ліку якіх быў асуджаны, спыніла аўтамабіль, за рулём якога знаходзіўся 17‑гадовы школьнік. У адказ на патрабаванне прад’явіць дакументы, школьнік уключыў на аўтамабілі задні ход, пасля чаго інспектар ДПС
дастаў зброю і, схапіўшы кіроўцу праз бакавое шкло, стрэліў у яго.
Ад атрыманага ранення школьнік памёр у бальніцы. Куляй, якая прайшла навылет, была паранена 17‑гадовая дзяўчына, што сядзела побач.