Раніцай Расія атакавала дронамі Кіеў. Узнік пажар
Раніцай 7 верасня Расія зноў выпусціла беспілотнікі па Кіеве. Усе яны былі знішчаны. Узнік пажар, паведаміў кіраўнік Кіеўскай ваеннай адміністрацыі Сяргей Папко.
Ілюстрацыйнае фота
Паводле папярэдніх звестак, пацярпелых і разбурэнняў няма. Абломкі збітых дронаў выявілі ў чатырох месцах сталіцы, у тым ліку — у двары жылога дома.
Пажар плошчай 50 квадратных метраў узнік на адкрытай мясцовасці. Яго аператыўна патушылі.
Паветраная трывога была абвешчана ў васьмі рэгіёнах.