Эстонец стаў першым чалавекам у свеце, які прайшоў Басфор па спецыяльным канаце
Ён ішоў кіламетр 47 хвілін на вышыні 165 метраў.
Скрыншот відэа
Яан Роўзэ перасёк праліў Басфор па спецыяльнай вяроўцы даўжынёй 1074 метры на вышыні 165 метраў над узроўнем мора. Эстонец пачаў свой шлях з азіяцкага боку ў 18:00 і дабраўся да Еўрапейскага берага прыкладна за 47 хвілін, піша Delfi.lt.
«Басфор не толькі злучае два кантыненты, але і мае тысячагадовую культурную значнасць і неверагодную прыродную прыгажосць. Калі гэта спалучаецца з пераменлівымі ўмовамі надвор'я і моцнымі марскімі плынямі, гэта робіць Басфор унікальным месцам для хаджэння па канаце. Я ўвайшоў у гісторыю, і таму вельмі шчаслівы», — пракаментаваў Роўзэ турэцкім СМІ.
Яан Роўзэ (32 гады) — трохразовы чэмпіён свету па слэклайне і першы спартсмен, які здзейсніў падвойнае сальта на слэклайне. Ён неаднаразова займаў першыя месцы і ставіў сусветныя рэкорды, а таксама дэманстраваў свае навыкі ў галівудскіх фільмах і на сцэне.