Мужчына пад Рагачовам загінуў, распілоўваючы снарад часоў Другой сусветнай вайны
Мужчына займаўся нелегальным пошукам гістарычных артэфактаў, быў так званым «чорным капальнікам». Але чарговая знаходка стала для яго апошняй, паведаміў Следчы камітэт
З дапамогай вуглашліфавальнай машынкі мужчына ў сваім доме ў аграгарадку Журавічы распілоўваў стары боепрыпас. Той знянацку выбухнуў і смяротна параніў чалавека. Смяротны інцыдэнт здарыўся 13 верасня.
Вядома, што загінулы раней двойчы прыцягваўся да крымінальнай адказнасці за незаконныя дзеянні ў адносінах да агнястрэльнай зброі.
Чытайце таксама:
Жыхарка Гродна вырашыла пабудаваць на ўчастку басейн — і наткнулася на снарад часоў вайны
У Ваўкавыскім раёне ў лесе знайшлі 16 скрынак з артылерыйскімі снарадамі
Проста ў цэнтры Новалукомля знайшлі авіяцыйную бомбу
Мужчына пад Віцебскам пілаваў снарад часоў вайны. Той выбухнуў