Расіяне ўдарылі па бальніцы ў Сумах: шэсць чалавек загінулі
У Сумах расіяне двойчы ўдарылі па медыцынскай установе: па стане на зараз загінула 6 чалавек, паведаміў у сваім тэлеграме міністр унутраных спраў Ігар Кліменка.
Фота: Украінская праўда
У выніку першага абстрэлу загінуў 1 чалавек, былі пашкоджаныя перакрыцці некалькіх паверхаў бальніцы. Пачалася эвакуацыя пацыентаў і персаналу.
Для дапамогі людзям на месца абстрэлу прыбылі ратавальнікі і паліцэйскія.
«Тады ж, падчас эвакуацыі хворых, вораг зноў нанёс удар. Па стане на цяпер вядома пра 6 загінулых, сярод якіх паліцэйскі. Яшчэ адзін паліцэйскі паранены», — напісаў Ігар Кліменка.