Беларусы сталі есці больш мяса і малака, але менш рыбы
Паводле даных Нацыянальнага статыстычнага камітэта, з 2018 па 2023 год беларусы сталі больш есці мяса і мясных прадуктаў на 10,5% — да 84 кілаграмаў у год на чалавека. Вырасла і колькасць ужываных малочных прадуктаў — да 289 кілаграмаў на чалавека.
Акрамя таго, паводле статыстыкі, за апошнія пяць гадоў беларусы сталі есці больш яек. У год адзін жыхар нашай краіны з'ядае ў сярэднім 236 яек, што амаль на 7,8% больш, чым у 2018 годзе.
Вырасла і доля ягад з садавіной у рацыёне — да 71 кілаграма ў год на чалавека.
У той жа час з 2018 па 2023 год уключна беларусы сталі менш купляць рыбы (-6,7%), хлеба (-7,5%) і бульбы (-8,2%).
Што да цукру і кандытарскіх вырабаў, гародніны і бахчавых, то іх спажыванне засталося на ранейшым узроўні.
Чытайце таксама:
Белстат устанавіў, дзе ў Беларусі найчасцей хварэюць і на што
Белстат: Сярэдні заробак настаўнікаў у Беларусі складае 1739 рублі чыстымі
Колькі ў сярэднім алкаголю выпівае беларус?
Названыя тры самыя папулярныя музеі Беларусі — усе яны звязаны з вайной