У Гродне мужчыну засыпала зямлёй на ўласным падворку
Інцыдэнт адбыўся на прыватным падворку на вуліцы Сямейнай у Гродне, паведамляе МНС.
Скрыншот з відэа
Чалавек знаходзіўся ў траншэі пад зямлёй на глыбіні каля 3 метраў. Мужчына быў у прытомнасці і «падаваў гукавыя сігналы».
Ратавальнікі ўрэшце раскапалі абвал, дасталі пацярпелага на паверхню, паклалі яго на насілкі і перадалі брыгадзе хуткай медыцынскай дапамогі. Мужчыну шпіталізавалі ў цяжкім стане.
Як расказаў бацька пацярпелага, пры правядзенні земляных работ па ўкладцы дрэнажу ў доме, які будуецца, ягоны сын працаваў у траншэі, а сам ён знаходзіўся наверсе. У нейкі момант грунт абваліўся і мужчыну ў траншэі засыпала зямлёй.