Памёр Аляксандр Якіменка
Міністэрства спорту і турызму паведаміла пра смерць кіраўніка Беларускай федэрацыі хакея на траве Аляксандра Якіменкі. Яму было 57 гадоў.
Фота: facebook.com/BelarusHockeyFederation
У паведамленні адзначаецца, што Аляксандр Якіменка «ўнёс значны ўклад у развіццё гэтага віду спорту — ён быў не толькі таленавітым кіраўніком, але і сапраўдным энтузіястам сваёй справы».
Беларускую федэрацыю хакея на траве ён узначальваў з 2017 года, а ў маладосці гуляў у гомельскай камандзе «Лакаматыў» — базавай для тагачаснай зборнай БССР.