Украіна нанесла ўдар па яшчэ адной нафтабазе на поўдні Расіі
У ноч на 1 лістапада ўкраінскі беспілотнік атакаваў нафтабазу ў горадзе Светлаград Стаўрапольскага краю, паведаміў губернатар рэгіёну Уладзімір Уладзіміраў.
Фота з сацсетак
Паводле звестак Уладзіміра Уладзімірава, дрон упаў на тэрыторыі аб'екта, пры гэтым ніхто нібыта не пацярпеў, піша The Moscow Times.
Відэазапіс з момантам удару беспілотніка апублікаваў тэлеграм-канал Baza. На кадрах відаць, як пасля прылёту дрона адбыўся выбух і пачаўся пажар побач з адным з рэзервуараў.
Яшчэ адно відэа ўдару размясціў у сябе тэлеграм-канал «Осторожно, новости». На ім супрацоўнікі бяспекі абмяркоўваюць прылёт лятальнага апарата. Адзін з іх адзначае, што спрацавала абарона — спецыяльная металічная сетка, якая была ўсталяваная вакол рэзервуара з палівам.
Светлаград размешчаны ў Пятроўскай акрузе Стаўрапольскага краю, за 80 км на паўночны ўсход ад Стаўрапаля. У горадзе знаходзіцца светлагорская нафтабаза кампаніі «Раснафта-Стаўраполле».
Чытайце таксама:
Найбуйнейшая нафтабаза ў Крыме можа быць практычна цалкам знішчана
Вельмі моцны пажар на нафтабазе ў Пермскім краі Расіі
У Варонежскай вобласці на нафтабазе адбыўся пажар з-за ўдару дрона