У нямецкай мове знайшлося слова з 67 літар
Абноўлены спіс самых доўгіх слоў нямецкай мовы.
З-за асаблівасцяў нямецкай граматыкі ў мове мноства доўгіх тэрмінаў, складзеных з некалькіх слоў. У розных дапаможніках часта прыводзіцца тое ці іншае «самае доўгае слова».
Цяпер свой рэйтынг склаў Duden — адзін з найбольш аўтарытэтных слоўнікаў нямецкай мовы, піша Bild.
Яго спецыялісты вывучылі доўгія словы, якія сустракаліся ў СМІ не менш за пяць разоў за апошнія 10 гадоў. У ліку лідараў:
Grundstücksverkehrsgenehmigungszuständigkeitsübertragungsverordnung (67 літар). Гэта можна перавесці як «Правіла аб перадачы юрысдыкцыі пры дазволе на здзелку з зямельным участкам».
Straßenentwässerungsinvestitionskostenschuldendienstumlage (58 літар). «Адлічэнні на абслугоўванне доўгу за інвестыцыі пры дрэнажы дарог».
Kurzfristenergieversorgungssicherungsmaßnahmenverordnung (56 літар). «Правіла аб кароткатэрміновых мерах па гарантаванні бяспекі энергазабеспячэння».